Við sinnum beðahreinsun í görðum, hvort heldur sem um er að ræða létta laufhreinsun á haustin og snemma á vorin eða ítarlega hreinsun í garðinum fyrir og um sumarið.
Starfsfólk okkar hefur margra ára reynslu við hreinsun beða og við leggjum mikla áherslu á vönduð og hröð vinnubrögð.
Við beðahreinsun er um 4-6 manna teymi að ræða sem er með öll verkfæri sem til þarf við að hreinsa garðinn, auk véla sem eru nauðsynlegar í vissum tilfellum. Má þar nefna vélkantskera, orf og mjög öflugan blásara sem flýtir mikið fyrir allri hreinsun og frágangi í lok verks.
Við notum stóra og rúmgóða sturtukerru sem auðveldar fjarlægingu og losun á jarðúrgangi sem fellur til eftir hreinsun. Með því spörum við ferðir á losunarstaði og um leið mikinn tíma sem skilar sér beint í minni kostnaði fyrir viðskiptavini okkar.
Við tökum að okkur að bæta jarðvegi í beð þegar þess þarf. Yfirleitt er um að ræða mold eða sand í beð, en við getum einnig útvegað kurl, möl og önnur yfirlagsefni sé þess óskað.
Tilgangurinn með yfirlagsefnum á borð við sand og kurl er helst sá að halda aftur af illgresisvexti. Þessvegna er almennt best að hreinsa beðin vel áður en yfirlagsefnið er sett í beðin, svo virknin verði sem best.
Allt of oft vantar mold í beð í görðum, sem veldur því að plöntur og tré fá ekki næga næringu og þrífast ekki almennilega. Mold er mjög nærringarrík fyrir gróðurinn og það er skynsamlegt að bæta mold í beðin eftir beðahreinsun.
Við bjóðum uppá að setja áburð í beð eftir beðahreinsun. Áburður hjálpar gróðrinum að dafna og gefur trjám og plöntum næringu.
Áburðargjöf má sinna frá maí og fram í miðjan júlí en eftir þann tíma er ráð að leyfa gróðrinum að undirbúa sig fyrir veturinn.
Ekki hika við að hafa samband við okkur ef þig vantar tilboð eða vilt vita meira um þjónustuna
Opnunartími skrifstofu
Mán. – Fim. 8 – 16
Föstudagar 8 – 15
hreinirgardar@hreinirgardar.is
Hreinir Garðar ehf © 2023 / kt. 690909-0810 / Vsk nr. 102708
